36,6 endi normal harorat emasmi? Hozirda qanday tana harorati optimal hisoblanishi haqida batafsil

Standartlarga koʻra, normal tana harorati 36,6˚C edi. Biroq bu endi meʼyor emas. Diapazon kengaytirildi — hozirgi tibbiyot jinsi va oʻlchash joyiga qarab 35,5 dan 37,2˚C gacha boʻlgan haroratni normal deb hisoblaydi.

Masalan, tugʻish yoshidagi ayollarda hayz davrining boshlanishidan 2 hafta oldin tana harorati 36,2-36,5˚C gacha pasayadi.

Qoʻltiqosti chuqurchasidagi harorat meʼyori:

• chaqaloqlar uchun — 36,8˚C;
• 3 yoshli bolalar uchun — 37,4˚C;
• 6 yoshli bolalar uchun — 37,0˚C;
• jinsiy balogʻatga yetgan erkaklar va ayollar uchun — 36,8-36,9˚C;
• 65 yoshdan oshgan odamlar uchun — 36,3˚C.

Eslatma: odamlar 29,5°C da hushini yoʻqotadi va 26,5°C dan past haroratda hayotdan koʻz yumadi.