Aktrisa Durdona Qurbonova turmush qurishiga oid xabarlarni inkor etdi

Mashhur aktrisa Durdona Qurbonova yaqin orada turmush qurishiga oid ovozalarni rad etdi. U bu haqda o‘zining Instagram sahifasida ma’lum qildi.

Mish-mishlarga Qurbonova kelin libosida tasvirlangan video sabab bo‘ldi. Tomoshabinlar buni darhol to‘y bo‘lishiga ishora deb tushunishdi.

Biroq aktrisa vaziyatni tezda oydinlashtirdi va “Bu mening to‘yim emas, shunchaki reklama suratga olish jarayoni” deb yozdi.

Durdonaning ko‘plab muxlislari o‘zlarini maqtovlardan tiya olmadi, kelin libosi unga juda yarashganini ta’kidlashdi.