Anchelotti boshchiligidagi Braziliya terma jamoasi Paragvayni mag‘lub etib, JCH-2026ga yo‘l oldi

Braziliya terma jamoasi 2026-yilgi Jahon chempionati Janubiy Amerika saralashida o‘z maydonida Paragvay ustidan g‘alaba qozondi.

Uchrashuv San-Pauludagi “Arena Korintians”da bo‘lib o‘tdi va 1:0 hisobida yakunlandi. Vinisius gol urib, Braziliya terma jamoasini jahon chempionatining final bosqichiga olib chiqdi.

Braziliyaliklar 25 ochko jamg‘arib, JCH-2026 yo‘llanmasini qo‘lga kiritdi. May oyida jamoani Karlo Anchelotti boshqarganidan so‘ng, “pentakampeonlar” saralashning ikki o‘yinida to‘rt ochko to‘pladi va birorta ham gol o‘tkazib yubormadi.

Paragvay terma jamoasi 9 o‘yindan iborat mag‘lubiyatsiz seriyasini to‘xtatdi. Paragvayliklar beshinchi o‘ringa tushib ketdi (24 ochko).

Janubiy Amerika turnirining oltita ishtirokchi jamoasi JCH-2026 final bosqichiga to‘g‘ridan-to‘g‘ri yo‘l oladi. Ulardan ikkitasi allaqachon aniqlandi: bu Argentina va Braziliya. Yettinchi o‘rinni egallagan terma jamoa qit’alararo pley-offga yo‘l oladi.