Auksionda chiroyli avtomobil raqami 803,3 million so‘mga sotildi

Bitimning yakunlanishi uchun xaridor tomonidan to‘lov amalga oshirilib, raqam Davlat ro‘yxatidan o‘tkazilishi lozim.

O‘zbekistonda navbatdagi “chiroyli” avtomobil raqami rekord narxda sotildi. Respublika tovar-xom ashyo birjasi matbuot xizmatining ma’lumotiga ko‘ra, bu raqam 800 million so‘mdan yuqori narxda qo‘lga kiritilgan.

TelecomTV xizmatiga 7 kunlik bepul kirish imkoniyatiga ega bo‘ling.
Quyidagi tugmani bosing va hoziroq boshlang!

1-iyul kuni onlayn savdo platformasida 771 ta avtoraqam auksion orqali sotildi. Ulardan 755 tasi jismoniy shaxslarga, qolgan 16 tasi esa yuridik shaxslarga nasib etdi. Eng arzon raqamning boshlang‘ich narxi esa 1,9 million so‘mni tashkil qilgan.

Shu kuni sotilgan eng qimmat avtoraqam 803,3 million so‘mga baholandi. Xaridor mazkur raqamni rasmiylashtirish uchun to‘lovni to‘liq amalga oshirishi va Ichki ishlar vazirligi huzuridagi Yo‘l harakati xavfsizligi xizmati orqali davlat ro‘yxatidan o‘tkazishi zarur bo‘ladi.