Durdona Qurbonova bo‘lajak turmush o‘rtog‘i qanday bo‘lishi kerakligini aytdi

Taniqli aktrisa Durdona Qurbonova kuzatuvchilarning qiziqarli savollariga javob berdi. Kuzatuvchilardan biri undan bo‘lajak turmush o‘rtog‘i o‘qimishli bo‘lishi kerakmi, deb so‘ragan. Bu haqda u Instagramdagi sahifasida ma’lum qildi.

Aktrisa o‘zining ma’lumotli ekanligini ta’kidlab, bo‘lajak turmush o‘rtog‘i ham yuqori ma’lumotga ega bo‘lishi kerakligini ishonch bilan aytdi. Biroq Durdona bu bilan cheklanib qolmadi. U bo‘lajak turmush o‘rtog‘iga qo‘yadigan talablarini ham ko‘rsatib o‘tdi.

TelecomTV xizmatiga 7 kunlik bepul kirish imkoniyatiga ega bo‘ling.
Quyidagi tugmani bosing va hoziroq boshlang!

“Bo‘lajak turmush o‘rtog‘im mendan aqlliroq bo‘lishi, shuningdek, ancha ko‘p pul topishi kerak”, — dedi Qurbonova. U buni aktyorlik karyerasidan voz kechib, turmush qurganidan keyin o‘zini oilasiga bag‘ishlash imkoniyatiga ega bo‘lish istagi bilan izohladi.

“Men ishlamaslik va doimo oilam yonida bo‘lish imkoniyatiga ega bo‘lishni istayman”, — deya qo‘shimcha qildi aktrisa, u uchun karyeradan ko‘ra mustahkam oila qurish ustuvor ekanligini anglatib.