Futbolchi Eldor Shomurodov rafiqasiga qimmatbaho mashina sovg‘a qildi

O‘zbekiston milliy terma jamoasi va Turkiyaning “Bashakshehir” klubi hujumchisi Eldor Shomurodov rafiqasi Ominaga qimmatbaho sovg‘a berdi.

Ijtimoiy tarmoqlarda tarqalgan ma’lumotlarga ko‘ra, futbolchi turmush o‘rtog‘iga Mercedes-Benz GLS rusumidagi hashamatli avtomobilni tortiq etgan.

Eldor va Omina 2019-yil 28-dekabrda oila qurishgan. 2020-yil 16-dekabrda juftlikning qizi, 2022-yil 15-iyunda esa ikkinchi farzandi — o‘g‘li dunyoga kelgan.

Bundan oldin u otasiga ham qimmatbaho Toyota Land Cruiser 300 rusumli avtomobilni sovg‘a qilgandi. Mazkur avtomobilning narxi 100 ming dollardan yuqori turadi.