Haydovchilar jarima ballari haqida onlayn xabardor bo‘lishi mumkin

Haydovchilar endi yo‘l harakati qoidabuzarliklari sababli olingan jarima ballari haqida onlayn tarzda xabardor bo‘la oladi.

My.gov.uz portalida ushbu jarima ballari, ularga oid qaror raqami va qabul qilingan sanasi, shuningdek, Ma’muriy javobgarlik to‘g‘risidagi kodeksning tegishli moddasi va bandi haqida batafsil ma’lumot taqdim etiladi.

Jarima ballari faqat YPX xodimlari tomonidan rasmiylashtirilgan jarimalar asosida, inson aralashuvisiz, E-jarima tizimi orqali avtomatik ravishda hisoblanadi.

Biroq, avtomatlashtirilgan foto va video qayd etish qurilmalari orqali aniqlangan qoidabuzarliklar uchun jarima ballari berilmaydi.