Mashhur “Shifoxona” serialining yangi mavsumi fevralda efirga chiqadi

ABC telekanali “Shifoxona” serialining qayta ishga tushirilgan ko‘rsatuvini namoyish etish sanasini e’lon qildi. Yangi qismlar 2026-yil 25-fevraldan boshlab efirga uzatila boshlaydi.

Zak Braff, Donald Feyson, Sara Chok, Judi Reyes va boshqalar asosiy rollarga qaytishmoqda. Yangi qo‘shilgan aktyorlar orasida Vanessa Bayer va Joel Kim Buster bor. Qayta ishga tushirish tafsilotlari hozircha ma’lum qilinmagan. Serialning muallifi yana “Ted Lasso” asarini yaratgan Bill Lourens bo‘ladi.

Asl “Shifoxona” seriali 2001-yildan 2010-yilgacha NBC telekanalida namoyish etilgandi. Syujet “Muqaddas yurak” (Sacred Heart) klinikasida ishlaydigan amaliyotchi shifokor Jon Dorian (Braff) va uning do‘sti Kris (Feyson) haqidagi voqealarni hikoya qilardi.

Serial o‘z vaqtida katta shuhrat qozongan va tibbiyot mavzusini yumor bilan uyg‘unlashtirgani uchun tomoshabinlar orasida kult darajasiga chiqqan edi. “Shifoxona” nafaqat kulgili sahnalari, balki insoniy munosabatlar, do‘stlik va kasbiy o‘sish haqidagi samimiy hikoyalari bilan ham esda qolgan.