Milliy kutubxona yaqinidagi ko‘chalar besh kunga yopiladi

Alisher Navoiy nomidagi O‘zbekiston Milliy kutubxonasi yaqinidagi ko‘chalar Toshkent Gullari Festivali o‘tkazlishi munosabati bilan transport vositalari harakati uchun vaqtincha yopiladi.

Festival munosabati bilan 29-apreldan 3-maygacha quyidagi hududlarda transport vositalari harakati cheklanadi:

• Zarafshon ko‘chasining “Hyatt Regency Tashkent” mehmonxonasi qo‘riqlash punkti va Matbuotchilar ko‘chalari oralig‘idagi qismi;
• Istiqlol ko‘chasining A.Temur va Buyuk Turon ko‘chalari oralig‘idagi qismi;
• Buyuk Turon ko‘chasining Istiqlol ko‘chasi kesishmasidan Yoshlar ijod saroyigacha bo‘lgan qismi.

Hokimlik matbuot xizmati haydovchilarga muqobil yo‘llardan foydalanishni tavsiya qildi.