Mish-mish: Margo Robbi yangi “50 futlik ayol hujumi” filmida bosh rolni o'ynaydi

“Barbi” filmi yulduzi Margo Robbi mashhur ilmiy-fantastik film “50 futlik ayol hujumi”ning qayta suratga olinishida bosh rolni ijro etishi mumkin. Bu haqda Gollivud jurnalisti Jeff Snayder xabar bermoqda.

Film ustida rejissyor Tim Burton va Warner Bros studiyasi ishlamoqda. Shuningdek, Robbi bo‘lajak filmga prodyuserlik qilishi aytilmoqda. “Warner” vakillari bu ma’lumotni sharhlamadi.

TelecomTV xizmatiga 7 kunlik bepul kirish imkoniyatiga ega bo‘ling.
Quyidagi tugmani bosing va hoziroq boshlang!

Asl “Hujum” filmi 1958-yilda ekranlarga chiqib, dastlab muvaffaqiyatsizlikka uchragan, ammo keyinchalik kult maqomiga erishgan. Syujet shifoxonaga yotqizilgan boy merosxo‘r Nensi Archer haqida hikoya qilgan. Shifoxonadan chiqqach, Nensi oilaviy hayot qiyinchiliklariga duch keladi va kunlardan bir kun kosmik kemada begona sayyoralikni ko‘radi. Qahramonimiz u bilan aloqaga kirishadi va tez orada o‘sib boradi.

1993-yilda HBO Deril Xanna bosh rolni ijro etgan filmning qayta suratga olingan variantini namoyish etgan. Yangi versiyaning ssenariysini “Yo‘qolgan” filmi muallifi Gillian Flinn yozadi. Filmning chiqish sanasi hali ma’lum emas.