Modrich jahon chempionati saralashida gol urgan eng keksa yevropalik futbolchiga aylandi

Xorvatiyalik yarimhimoyachi Luka Modrich Yevropada jahon chempionati saralash bosqichida gol urishga muvaffaq bo‘lgan eng yoshi katta futbolchiga aylandi.

Xorvatiya terma jamoasi Chexiya terma jamoasini 5:1 hisobida mag‘lub etdi. Modrich 39 yosh-u 9 oyligida gol urgan.

Bungacha rekord bosniyalik hujumchi Edin Jekoga tegishli edi. U San-Marinoga 39 yosh, 2 oy va 12 kunligida gol urgan.

Ispaniya chempionatining o‘tgan mavsumida Modrich “Real” safida 35 ta o‘yinda maydonga tushib, 2 ta gol urgan. Yozda uning madridliklar bilan shartnomasi yakunlandi, hozirda u erkin agent hisoblanadi.