Абдуқодир Ҳусанов «Манчестер Сити»да тиббий кўрикдан ўтмоқда

Ўзбекистонлик марказий ҳимоячи Абдуқодир Ҳусанов айни вақтда Манчестернинг «Сити» клуби қароргоҳида тиббий текширувлардан ўтяпти.

У Тошкент вақти билан соат 13:30 да кўрикдан ўтишга киришган. Футболчининг агентлари айтишича, жараён камида бир неча соат вақтни олади.

Катта эҳтимол билан, бугун ёки яқин бир неча кунда Ҳусановнинг трансфери ҳақида расмий маълумот берилади. Пеп Гвардиола у билан биргаликда яна икки ўйинчини сотиб олган.