Instagram'да трендга чиқиш, 6 миллион кўришлар сонига эга бўлиш ва ўзликни сақлаш: Тошкентлик реэлслар юлдузидан муваффақиятли блог юритишнинг 10 та сири

Қаҳрамон маълумотлари

Рамазон — Тошкентлик машҳур блогер. Қиз нафақат ўзининг ҳазил-мутойибали реэлслари, брендлар билан ҳамкорлиги, балки дадил ёндашуви билан ҳам эътиборни тортади. У рўмолда бўлишига қарамай камера олдида очиқчасига гапириш, бешбармақ билан мукбанг суратга олиш, чойнакда чучвара пишириш ва турли мавзуларда: муносабатлардан тортиб футболгача ҳазил-мутойиба қилишдан чўчимайдиган блогер.

Блогингни ретроспективасига ўтамиз. Ҳаммаси қандай бошланган?

Блогни юритишга дастлабки уринишлар 2020-йилда бўлган. Ўшанда турмуш ўртоғим билан коронавирус туфайли карантинда уйда эдик. Бу қамоқни қандайдир ранг-баранг қилиш учун мен кулгили видеоларни суратга олдим ва улар бирдан топларга чиқа бошлади. Бир неча ой ичида 20 минг обуначига эга бўлдим.

Танишларингиз ва қариндошларингиз буни қандай қабул қилди?

Улар гарчанд бунга ўрганмасалар-да, ҳайратда эдилар. Гап шундаки, мен русман, эрим эса ўзбек. Турмуш қуришга қарор қилганимизда, жамият томонидан тушунмовчиликка дуч келдик. Ўзбек (айниқса, мусулмон) қандай қилиб “ўзиникига” уйланмайди? каби.

Шунинг учун блог яна бир синовга айланди — муваффақиятга эришишинг, соядан чиқиб, овоз беришинг (айниқса, диний оилаларда) ҳеч кимга ёқмайди.

 Мен бундан ўтдим, жуда яхши чиқди ва энди қариндошларим фахр билан “у бизнинг блогеримиз” дейишади.

Хейт ва салбий фикрларни қандай қабул қиласан? Сенга таъсир қиладими?

Аксинча, мени рағбатлантиради, уни яхши кўраман. Одамлар доимо сенда нимадир нотўғри деб гапираверади. Мана, менинг услубимни олайлик: илгари жуда очиқ кийимларда - топик ва шортикларда юрардим ва "у ярим яланғоч-ку" деган гапларни эшитардим. Ҳижоб кийиб олганимдан сўнг эса ҳамма "энди ўралиб олибди, рўмолингни еч, уят қилма" деб ёза бошлади. Қисқаси, униси ҳам ёмон, буниси ҳам. 

Қизиғи шундаки, кўпроқ аёллар "дўзахда куйгин" деб ёзишади.

Эрингиз блогерлигингизга қандай қарайди?

У мен учун алоҳида инсон, гарчи чуқур диндор бўлса-да. У: "Хоҳлаганингни қил, фақат яхши ният билан," дейди. Бизнинг динимиз эзгулик ҳақида, ҳеч қандай салбийлик йўқ. Айтишим мумкинки, мен буни исботладим - менинг блогим баъзи қизларни қўрқмасдан Исломни қабул қилишга ундади.

Блогерлик, моделлик ва мобилография курси яратувчиси бўлиш билан оналикни қандай уйғунлаштириш мумкин?

Кўпчилик менинг ҳамма ишга қандай улгуришимга ҳайрон қолади. Бунча энергия қаердан келади деб сўрашади. Аслида у менда бор, шунчаки бунга ўрганиб қолганман. Ўғлим билан сайр қилаётганимда бир қўлим билан унинг қўлини, иккинчи қўлим билан телефонни ушлаб, айни пайтда контент яратишим мумкин. Бу ҳаммаси амалиёт, амалиёт ва яна бир бор амалиёт натижаси.

Рилсларингдан қайси бири кутилмаганда шунчалик машҳур бўлиб кетдики, ҳатто ўзинг ҳам ишонмадинг? У қанча кўришга эришди?

Бу мен дугонам билан суратга олган ва олдиндан ҳис қилганимдек, жуда машҳур бўлган видео эди. Унда мен унга бургерхонада ҳомиладорлигим ҳақида айтмоқчи бўлганимни тасвирлаганман. Бир кунда у 2 миллион (ва охир-оқибат 6 миллионга яқин) кўришга эришди, шунингдек, бир кунда 800 та янги обуначи олиб келди.

Блог юритишни қандай бошлаш, Instagram трендларига кириб бориш ва миллион марта кўрилишлар сонига эришиш мумкин? 10 та маслаҳат

• Агар бошласангиз, фақат самимий истак, сабр-тоқат ва ортиқча умидларсиз бошланг. Хоҳламайдиган, дангаса ва бошида фақат пул учун ҳаракат қиладиганлар ҳеч қачон натижага эришмайди. Эсда тутинг: блоггер бўлиш учун ҳеч қачон кеч эмас.
• Асосий қисм: Instagramдаги саҳифани безаш. Ортиқча эстетикага берилманг, вақтингизни беҳуда сарф қилманг. Профил сарлавҳасидан бошланг. 
• Тўлдирилган профил - бу муваффақиятга +10% демакдир. Хоҳлаган нарсангизни ёзинг, масалан "Зулфия, она-блоггер, мен билан қувноқ". Бу дўконларга ҳам, шахсий блогларга ҳам тааллуқли. Бўш профил ишончсизлик уйғотади ва жонсиз кўринади.
• Энди контентга ўтамиз. Шуни таъкидлаш керакки, бугунги кунда реэлссиз илож йўқ. Ҳамма нарса видео орқали бўляпти ва бу янги бошловчи тадбиркорлар ва блоггерлар учун катта имконият - бепул тарғибот.
• Роликларнинг давомийлиги. Ролик қисқа ёки узун бўлиши муҳим эмас. Муҳими, сиз нима жойлаштирганингиз. Аммо ўз тажрибамдан айтадиган бўлсам: энг кўп кўрилган ва миллионлаб марта томоша қилинган рилс бир дақиқалик эди.
• Кўп ва ҳар куни суратга олинг: хоҳлаган нарсангизни тасвирга тушираверинг. Турли форматлар, матнлар ва иборалар билан тажриба ўтказишдан ва ишлашдан чўчиманг. Блог юритиш - катта меҳнат талаб қиладиган иш, лекин аслида бу ўйин ва ўзингизни ижодий томондан намоён қилиш имкониятидир.

• 

• Трендларни кузатиб боринг, аммо уларга шошилинч эргашишга ҳаракат қилманг. Бошқалар қандай суратга олаётганини кузатинг, воқеалардан хабардор бўлиб туринг. Бироқ, трендларга кўр-кўрона эргашиш доим ҳам тўғри йўл эмаслигини унутманг. Ўзингиздан нимадир қўшинг, уни замонавий оқимлар билан уйғунлаштиринг. Ўзига хослик ҳар доим қадрланади.
• Кўрганларингизни таҳлил қилиш кўникмасини ривожлантиринг. Бунинг учун барча имкониятлардан фойдаланинг. Бошқаларнинг ғояларини ўз форматларингизга мослаштиринг. Агар кимдир алкоголни ажойиб тарзда реклама қилаётганини кўрсангиз (бу сизнинг тамойилларингизга зид бўлса ҳам), сиз ҳам худди шундай қилишингиз мумкин, фақат чой билан. Умуман олганда, услуби ўхшаш ҳисобларга обуна бўлинг, улар чинакам илҳом манбаидир.
• Бориб ўрганинг: курсларга ёзилинг, севимли блогерлардан (масалан, менинг мобилографимдан) маслаҳат олинг ва ўз ривожланишингизга пул сарфлашдан қўрқманг. Ёдингизда бўлсин, блогер - бу ишсиз ишёқмаснинг ҳикояси эмас, балки келажак касбидир. Суратга олиш, монтаж қилиш, аудитория билан мулоқот қилиш - 24/7 режимда.
• Ўзлигингизни сақланг. Самимийлик доим сотилади: ҳамманинг уйида тартибсизлик, ифлос бош ёки кечки овқатга чучвара бўлади. Содда бўлинг ва томошабинларни ҳаддан ташқари чиройли расм билан алдаманг.
• Обуначилар сони ортидан қувманг, қамров ортидан қувинг. Яна такрорлайман: уларни фақат рилслар ҳисобига кўтариш мумкин.