O‘zbekistonda Ramazon hayiti namozining o‘qilish vaqtlari e’lon qilindi

Musulmonlar idorasi Ramazon hayiti namozining o‘qilish vaqtlarini e’lon qildi. U Toshkent shahrida soat 06:30 da, boshqa hududlarda namoz vaqtidagi tafovutni inobatga olib o‘qiladi.

O‘zbekiston musulmonlari idorasi Ramazon hayiti 30-mart, yakshanba kuniga to‘g‘ri kelayotgani munosabati bilan hayit namozi vaqtlarini belgilab chiqdi.

Shunga ko‘ra, yakshanba kuni hayit namozi quyidagi vaqtlarda o‘qiladi:

• Andijon viloyati 06:20;
• Namangan viloyati 06:20;
• Farg‘ona viloyati 06:20;
• Toshkent viloyati 06:30;
• Toshkent shahar 06:30;
• Samarqand viloyati 06:40;
• Sirdaryo viloyati 06:40;
• Jizzax viloyati 06:40;
• Qashqadaryo viloyati 06:45;
• Surxondaryo viloyati 06:45;
• Buxoro viloyati 06:50;
• Navoiy viloyati 06:50;
• Xorazm viloyati 07:05;
• Qoraqalpog‘iston Respublikasi 07:15.

Eslatib o‘tamiz, hayitning birinchi kuni yakshanbaga to‘g‘ri kelishi munosabati bilan dam olish 31-mart, dushanbaga ko‘chiriladi. Ramazon hayiti kuni Toshkent metropoliteni soat 4:00 dan yo‘lovchilarga xizmat ko‘rsatishni boshlaydi.