Oʻzbekistonliklar chet elga koʻproq sayohat qiladigan boʻlishdi

Davlat statistika qoʻmitasi maʼlumotlariga koʻra, 2025-yil yanvar oyida 551,3 ming nafar Oʻzbekiston fuqarosi chet elga chiqdi. Bu oʻtgan yilning shu davriga nisbatan 17,7 foiz koʻpdir.

Oʻzbekistonliklarning eng koʻp qismi qarindoshlarini ziyorat qilish uchun ketgan — 425,8 mingdan ortiq kishi. Taxminan 117,1 ming fuqaro sayyohlik maqsadida, 4,2 ming kishi esa davolanish uchun safarga joʻnagan.

2,9 mingdan ortiq kishi oʻqishni safarning asosiy maqsadi sifatida koʻrsatgan, 1 mingdan ziyod Oʻzbekiston fuqarosi esa xizmat yuzasidan chet elga yoʻl olgan.