Sitora Farmonova turmush oʻrtogʻi bilan tushgan videoni eʼlon qildi

Aktrisa Sitora Farmonova ayni vaqtda chet elda umr yoʻldoshi bilan birga dam oldi. U oilaviy videolarini eʼlon qildi.

Sanʼatkor bir qancha vaqt Oʻzbekistondan tashqarida istiqomat qildi. U avvalroq turmush oʻrtogʻi Dubayda yashashini aytgandi.

Juftlik fevral oyi oʻrtalarida issiq oʻlkalardan birida dam olgan. Farmonova bu jarayondan bir qancha videolar joylab borgan edi.

Jumladan, 17-fevral kuni joylangan story`da aktrisa mashinada Botir Qodirov ijrosidagi “Oy yuzingga” qoʻshigʻini ijro qilib ketayotganini koʻrish mumkin.

Shuningdek, boshqa hikoyalarda u yirik savdo majmualaridan birida sayr qilayotgani koʻringan. Bundan tashqari, mehmonxonadan ham video joylangan.