“Supermen”ning yangi tomosha qilishga arzigulik tizeri e’lon qilindi

Internetda rejissyor Jeyms Gann (“Galaktika qo‘riqchilari”) tomonidan suratga olingan “Supermen” kinokomiksi haqidagi navbatdagi tizer paydo bo‘ldi.

Loyiha DC komikslarining eng mashhur qahramonlaridan biri to‘g‘risida hikoya qiladi. Bosh rolni Devid Korensvet (“Perl”, “Gollivud”) ijro etgan.

Ikkinchi darajali rollarda Reychel Brosnaxen (Lois Leyn), Nikolas Xolt (Leks Lyutor), Neytan Fillion va boshqalar suratga tushgan. “Supermen” filmining chet el kinoteatrlarida namoyishi 11-iyulga mo‘ljallangan.