Xonanda Lola yuksak davlat mukofotiga sazovor bo‘ldi

Xonanda Lola Yo‘ldosheva davlatimizning yuksak mukofotiga sazovor bo‘ldi. U bu haqda o‘zining Instagram sahifasida xabar berdi. San’atkor o‘z murojaatida ushbu mukofotni shunchaki shaxsiy yutuq emas, balki umumiy orzu va jamoaviy mehnatning ramzi sifatida qabul qilayotganini ta’kidladi.

“Mening ijodim har doim men uchun odamlarni birlashtirish va ilhomlantirish usuli bo'lib kelgan. Bu mukofot nafaqat meniki, balki orzu bilan yashaydigan, o'z ishini sevadigan va unga o'zini to'liq bag'ishlagan har bir insonga tegishli”, — deya aytdi u.

Yo‘ldosheva ko‘rsatilgan ishonch, xalqqa bo‘lgan e’tibor va qo‘llab-quvvatlash uchun prezidentga chuqur minnatdorchilik bildirdi. U bunday yuqori darajadagi e’tirof unga kelgusi ijod uchun yangi kuch-quvvat berishini ta’kidladi.

Shuningdek, san’atkor oilasi, do‘stlari va barcha muxlislariga doimiy qo‘llab-quvvatlashlari uchun tashakkur aytdi. U o‘z so‘zini: “Bugun men o'zimni nihoyatda baxtli his qilyapman”, — degan jumla bilan yakunladi.