Yangi “Juda g‘alati ishlar” seriali qismlarining davomiyligi tasdiqlandi

“Juda g‘alati ishlar” serialining hammuallifi Ross Daffer shou yakuniy qismlarining uzunligini ma’lum qildi.

Beshinchi mavsumning birinchi yarmi 26-noyabr kuni Netflix’da namoyish etiladi. Qismlarning davomiyligi quyidagicha:

• birinchi qism (“Emaklab yurish”) — 1 soat 8 daqiqa
• ikkinchi qism (“G‘oyib bo‘lish...”) — 54 daqiqa
• uchinchi qism (“Tyornbou uchun tuzoq”) — 1 soat 6 daqiqa
• to‘rtinchi qism (“Afsungar”) — 1 soat 23 daqiqa

Ilgari Netflix yakuniy “Ishlar”ni suratga olish uchun taxminan 480 million dollar sarflagani haqida ma’lumot berilgandi. So‘nggi seriyalar 25 va 31-dekabr kunlari efirga uzatiladi.