Yuliya Peresild ishtirokidagi “Go‘zal” dramasi tizeri namoyish etildi
Muallif:
Shohzamon Shuhratov

“Volga” kompaniyasi “Go‘zal” filmining debyut tizer-treylerini taqdim etdi. Film 2026-yil 19-fevralda ekranlarga chiqadi.
Voqealar 1941-yil dekabr oyida kechadi. Leningrad olov ichida, odamlar so‘nggi kuchlari bilan hayot uchun kurashmoqda. Ular orasida hamkasblari bilan hayvonot bog‘idagi jonivorlarni qutqarayotgan qahramon ham bor.
Ochlik va to‘xtovsiz o‘q otishlarga qaramay, ular Go‘zal nomli begemotni tashlab ketmaydilar. Hamma narsa vayron bo‘layotgan dunyoda sadoqat va g‘amxo‘rlik ularning yagona suyanchig‘iga aylanadi.
Filmda Slava Kopeykin (“Yigit so‘zi”), Yuliya Peresild, Stasya Miloslavskaya, Viktor Suxorukov va boshqalar rol ijro etgan. Rejissyor — Anton Bogdanov (“Ivan Semyonov. Maktabdagi to‘polon”).