Zohid Riskiyevning rafiqasi uning davolanishi qanday kechayotganini so‘zlab berdi

Zohid Riskiyevning rafiqasi nima uchun Turkiyadan tezda qaytganini aytdi. U o‘zining Instagramdagi sahifasida Zohidning davolanishini xorijda davom ettirish zarurligiga qaramay, moliyaviy holat hal qiluvchi bo‘lganini tushuntirdi.

San’atkorning turmush o‘rtog‘iga ko‘ra, Turkiyada tibbiy xizmatlar qimmatga tushgan. Bu oilaning Toshkentga qaytishga qaror qilishining asosiy sababi bo‘ldi. Shunga qaramay, davolanish butunlay to‘xtatilmaydi, faqat vaqtincha kechiktiriladi.

Zohid Toshkentda zarur tibbiy yordamni olishda davom etmoqda. Shuningdek, u: “U yurishni boshlaguncha davolanish davom etadi, oxirigacha kurashamiz”, — deya ta’kidladi.

Eslatib o‘tamiz, 2022 yil 29 sentyabr kuni Zohid Rixsiyev Toshkentning Yunusobod tumanida sodir bo‘lgan fojiali YTH ishtirokchisiga aylangandi. Xonanda BMW avtomobilini boshqarayotib, boshqaruvni yo‘qotib qo‘ygan.

Ushbu hodisa natijasida avtomobil yo‘ldan chiqib ketdi. Zohid Rixsiyev turli darajadagi tan jarohatlari bilan shifoxonaga yotqizilgan.