12-avgust: vinil festivali, kompyuter va yoshlar kuni
12-avgustda dunyoda tikuv mashinasi uchun patent paydo bo‘ldi, xirurg Jozef Lister fenoldan ilk marta foydalandi (keyinchalik u operatsiyalar davomida o‘limni uch marta kamaytirgan), rok yulduzi Jenis Joplin esa Garvardda o‘zining so‘nggi konsertini o‘tkazdi. Bugun – 12-avgustda yana qanday qiziqarli sanalar va bayramlar nishonlanadi?
Xalqaro yoshlar kuni
Bugungi kunda yangi avlodning porloq kelajagiga hissa qo‘shadigan hamma narsalar qo‘llab-quvvatlanmoqda. Shuning uchun bugun o‘z tajribamiz bilan bo‘lishamiz, o‘rgatamiz va hozirgi zamonaviy yoshlarning qanchalik progressiv o‘sib borayotganidan yoqimli hayratlanamiz.
Tong ottirish kuni
Yoz fasli ham o‘tib boryapti, shuning uchun zudlik bilan hech bo‘lmaganda bitta quyosh chiqishini maroq bilan tomosha qilishimiz kerak. Barvaqt turib, balkonga chiqing yoki tog‘larga boring – quyosh chiqishini tomosha qilishning har qanday usulidan foydalanib tong ottiring. Tetiklik va pozitivlik quvvati kafolatlanadi.
Fillar kuni
Bugungi kunga qadar omon qolgan yagona xartumli hayvonning bayrami. Xalqaro Qizil kitobga kiritilgan, yo‘qolib ketish arafasida va ulkan hajmiga qaramay, nihoyatda zaif bo‘lgan hayvonlarning kunidir. Bugungi kun qahramoni haqida bolajonlarga aytib bering, ularga bu juda qiziq bo‘lishi aniq.
Vinil plastinkalar kuni
Agar sizda vinil patefon (hatto buvingizdan qolgan bo‘lsa ham), shuningdek, bir necha plastinkalar bo‘lsa, hayotingizga ozgina romantika olib kirib, vinilning ajoyib eski qo‘shiqlaridan bahra olishning eng yaxshi vaqtidir.
Shaxsiy kompyuter kuni
Smartfonlar davrida, Android va iOS o‘rtasidagi kurash, shuningdek, yangi Apple mahsulotlarining yillik taqdimotlari davrida uy kompyuterini negadir unutib qo‘ydik. Ammo bizga tarmoqning ajoyib dunyosi, kompyuter o‘yinlari va texnologiyalarini ochgan aynan shu kompyuter edi. Bayram sharafiga telefonni chetga surib, “kompyuterda o‘tirishni” yoki hech bo‘lmaganda ustidagi changni artib qo‘yishni taklif qilamiz.
