2-oktabr: intuitiv she’riyat bayrami va quyosh tutilishi kuni
2-oktabrda Charlz Darvin o‘zining evolyutsiya nazariyasini yaratishga kirishdi, Toshkent-Dushanbe-Garm-Xorug‘ yo‘nalishi bo‘yicha birinchi aviaqatnov amalga oshirildi va Gvineya Fransiyadan mustaqil bo‘ldi. Xuddi shu kuni yapon olimlari biologik soat funksiyalarini ta’minlovchi inson genini topishdi, ilk inkassator-robot esa sotuvga chiqdi. Bu shu kunda bo‘lib o‘tgan voqealar haqida edi. Xo‘sh, 2-oktabr taqvimida qanday bayramlar nishonlanadi?
Butunjahon alkogolsiz kun
Yoki alkogolizmga qarshi kurashga qaratilgan – hushyorlik bayrami. Bir marta beriladigan hayotimizga ongli qaraymiz va salomatligimizni ehtiyot qilamiz. Bugun kechki ovqatdan keyin bir piyola achchiq choyning o‘zi yetarli bo‘ladi.
Zo‘ravonlikka qarshi kun
2-oktabrda nishonlanadigan ushbu bayram butun dunyo odamlari uchun muhim xabarni yetkazadi: biz zo‘ravonlik – jismoniy hamda hissiy zo‘ravonlikka qarshimiz. Shuningdek, eslatib o‘tamiz: O‘zbekistonda oilaviy zo‘ravonlik jinoyat hisoblanadi. 2023-yilda bu jinoyat uchun 9100 dan ortiq odam javobgarlikka tortildi.
Intuitiv she’riyat kuni
Kuz – she’riyat uchun eng yaxshi fasl. Bunga tashqaridagi ob-havo va bizning ma’yus kayfiyatimiz ishora qilmoqda. Bayram sharafiga kutubxonaga borishni va sevimli muallifingizning she’riy kitobini olishni yoki o‘zingiz she’r yozishingizni taklif qilamiz. Intuitiv va ilhom oqimida juda go‘zal satrlar dunyoga keladi.
Elektron pochtaning tug‘ilgan kuni
Telegram va boshqa messenjerlar paydo bo‘lishidan ancha oldin mavjud bo‘lgan o‘sha pochta manzili. 2-oktabr bayrami sharafiga retrospektivaga sho‘ng‘ishingiz mumkin: muhim bir kishiga xat yozib, uni elektron pochta orqali yuboring. Bunday xatni qabul qiluvchi albatta xursand bo‘ladi!
Urologlar kuni
Erkaklar salomatligini diqqat bilan kuzatib boradigan shifokor. Agar sizda qandaydir shikoyatlar bo‘lsa, tanangizning “signal”larini e’tiborsiz qoldirmang: Toshkent yoki viloyatlardagi urolog ko‘rigiga yoziling.
2-oktabrda quyosh tutilishi
O‘zbekistonda 2-oktabrda quyosh tutilishi soat 20:42 da sodir bo‘ladi. Bu safar u halqasimon bo‘ladi (oy quyoshni to‘liq to‘sib qo‘ymaydi, natijada uning atrofida yorqin halqa hosil bo‘ladi). Aytishlaricha, eng yaxshi ko‘rinish Chili, Argentina janubi va AQShning ayrim burchaklarida kuzatiladi. Ammo kim biladi deysiz, har kim bunday tabiiy go‘zallikni o‘zgacha tasavvur bilan tomosha qiladi.
