2024-yil iyul oyida O‘zbekiston hududida ob-havo qanday bo‘ladi
O‘zbekistonning aksariyat viloyatlarida iyulning birinchi o‘n kunida kunduzgi harorat 35-38 daraja orasida o‘zgarib turadi va oxirgi kunlarda esa 38-40 darajaga ko‘tariladi. Uzoq janubiy hududlarda harorat 40-43 darajaga ko‘tarilishi kutilmoqda
Iyul oyining ikkinchi va uchinchi o‘n kunliklarida havo harorati 36-39 daraja, janub va cho‘l hududlarida – 41-43 darajagacha bo‘ladi. Kamdan-kam hollarda harorat belgilangan qiymatlardan 2-3 daraja yuqori bo‘lishi ham mumkin.
O‘zbekistonning aksariyat qismi uchun iyul oyida o‘rtacha harorat 40 daraja va undan yuqori bo‘lgan juda issiq kunlar soni 2-5 kun, shimolda 6-8 kun, janub va cho‘l hududlarida 12-15 kun bo‘ladi.
O‘zgidromet ma’lumotlariga ko‘ra, so‘nggi yillarda jazirama issiq kunlar sonining ko‘payish tendentsiyasi kuzatilmoqda. Iyul oyi davomida respublikada asosan yog‘ingarchilik bo‘lmaydi. Tog‘ oldi va tog‘li hududlarda ayrim joylarda qisqa muddatli yomg‘ir yog‘ishi va momaqaldiroq bo‘lishi kutilmoqda.
