2024-yilda dunyo boʻylab issiqlik rekordlari yangilandi
Iqlimshunos tarixchi yil boshidan buyon 15 ta milliy issiqlik rekordi yangilanganini qayd etdi. Kuzatuv stansiyalarida qayd etilgan oʻn minglab mahalliy yuqori koʻrsatkichlar bilan bir qatorda qoʻshimcha 130 oylik milliy harorat rekordlari ham yangilangan.
Nufuzli iqlimshunos tarixchi Maksimiliano Errera joriy yil boshidan buyon 15 ta milliy issiqlik rekordi yangilanganini qayd etdi. Ob-havoning keskin oʻzgarishi va iqlim buzilishi kuchaymoqda.
Arktikadan Tinch okeani janubigacha boʻlgan kuzatuv stansiyalarida qayd etilgan oʻn minglab mahalliy yuqori koʻrsatkichlar bilan bir qatorda qoʻshimcha 130 oylik milliy harorat rekordlari ham yangilangan.
Uning soʻzlariga koʻra, dastlabki olti oyda misli koʻrilmagan rekordlar soni hayratlanarli boʻlgan. “Bunchalik haddan tashqari issiqlik hodisalari ilgari koʻrilgan yoki hatto oʻylangan rejalardan ham yuqori”, — dedi u.
“2024-yilning fevralidan 2024-yilning iyuligacha boʻlgan oylar har bir statistik koʻrsatkich boʻyicha eng rekord darajadagi oylar boʻldi”.
Bu tashvishli, chunki oʻtgan yilgi haddan tashqari issiqlik asosan gaz, neft, koʻmir va daraxtlarning yonishi oqibatida yuzaga kelgan sunʼiy global isish va tabiiy El Nino hodisasi, yaʼni Tinch okeanining tropik yuzasining isishi bilan bogʻliq boʻlishi mumkin. El Nino shu yilning fevral oyidan beri soʻnib bormoqda, ammo bu ozgina yengillik keltirgan.
Baʼzi kunlarda minglab kuzatuv stansiyalari oylik maksimal yoki minimal rekordlarni oʻrnatadi. Ikkinchisi ayniqsa kuchlidir, chunki kechasi yuqori harorat odamlar va ekotizimlarning tinimsiz jaziramadan tiklanish uchun vaqtlari yoʻqligini anglatadi. Misol uchun, iyul oyi oxirida Xitoyning Yuyeyang viloyatida tunda harorat misli koʻrilmagan darajada koʻtarilgan boʻlsada, namlik xavfli darajada yuqori boʻlgan.
