01.07.2024
“Boshqotirma 2” 2024-yilning ilk milliarder kinoloyihasiga aylandi
Pixar kompaniyasining “Boshqotirma 2” multfilmi jahon prokatida rasman 1 milliard dollardan ortiq daromad keltirdi. Sikvel animatsion filmlar uchun rekord vaqt — 19 kun ichida ushbu summani yigʻishga muvaffaq boʻlgan.
Muallif
Mahkamov Humoyun
Multfilm premyera qilingandan boshlab 1,015 milliard dollar ishlab topdi. Mablagʻning asosiy qismi — 469,3 million dollar Shimoliy Amerika davlatlaridan tushgan.
Multfilm xalqaro prokatda esa 545,5 million dollar foyda keltirgan. “Boshqotirma 2” milliard dollarlik chegaradan oʻtgan 11-multfilm boʻldi. Shu hafta boshida ushbu kartina birinchi qismning jami prokatidan ham koʻproq daromad keltirishga ulgurdi.
