“Brilliant boʻlmagan qoʻl” filmining suratga olish ishlari boshlandi
Filmga mashhur kino va seriallarga koʻplab havolalar, jumladan, “Joker”, “Tigʻ ustida yuguruvchi” va “Gunohlar shahri” kiritilishi vaʼda qilinmoqda.
“Taqdirning oʻziga xos kinoyasi” va “Ivan Vasilyevich kasbini oʻzgartiradi” mualliflari “Brilliant boʻlmagan qoʻl” nomli yangi yil musiqiy komediyasini suratga olishni boshladi. Syujet Leonid Gaydayning mashhur komediyasi va Jeyms Bond haqidagi filmlarga asoslanadi.
Voqealar hozirgi kunning xayoliy sovet davrida kechadi. Semyon Semyonovich oxirgi manzili eski Dubay boʻlgan kruizga joʻnaydi. U yerda kontrabandachilar uning qoʻliga gips qoʻyishadi, lekin brilliant emas, balki smartfonlar, Dyson fenlar va boshqa qimmatbaho qurilmalar bilan.
Filmga mashhur kino va seriallarga koʻplab havolalar, jumladan, “Joker”, “Tigʻ ustida yuguruvchi” va “Gunohlar shahri” kiritilishi vaʼda qilinmoqda. Shuningdek, komediyada “Baxtsizlik oroli”, “Marmeladginam” va “Menga qahramon kerak” kabi qoʻshiqlarning yangi talqinlarini tinglash imkoni boʻladi.
Semyon Semyonovich rolini komediya aktyori Timur Batrutdinov (“Kambagʻal oligarx”) ijro etadi. Kontrabandachilar rollarini Aleksey Vorobyov (“Ikkinchilar”) va Maksim Lagashkin (“Aritmiya”) oʻynaydi. “Men seni sevaman — Je tʼaime” melodramasi ustida ishlagan Misha Semichev va Roman Kim filmga rejissyorlik qiladi.
