“Bukhara Night Race 2024” xayriya yugurish musobaqasi boʻlib oʻtadi
“Bukhara Night Race” Oʻzbekistondagi birinchi tungi poyga boʻlib, u Buxoroda quyosh botayotgan paytda boshlanadi. Tadbir doirasida 5 va 10 km masofaga yugurish, 2 km masofaga “Skandinavcha yurish”, shuningdek, 300 va 600 metrga bolalar yugurish musobaqalari oʻtkaziladi.
Buxoroda “Bukhara Night Race 2024” xayriya yugurish musobaqasi boʻlib oʻtadi.
“Bukhara Night Race” Oʻzbekistondagi birinchi tungi poyga boʻlib, u Buxoroda quyosh botayotgan paytda boshlanadi. Tadbir doirasida 5 va 10 km masofaga yugurish, 2 km masofaga “Skandinavcha yurish”, shuningdek, 300 va 600 metrga bolalar yugurish musobaqalari oʻtkaziladi.
Musobaqa yoʻnalishi shaharning tarixiy qismida boʻlib oʻtadi — sportchilar mashhur diqqatga sazovor joylar, masjid va madrasalar, karvonsaroylar va noyob qadimiy binolar qurshovida masofani bosib oʻtishlari kerak boʻladi.
Marafon doirasida chiqindi yigʻish tadbiri ham tashkil etiladi. Ploggingda 16 yoshdan boshlab ishtirok etish mumkin, bunga ota-onalar ham qoʻshilishi mumkin. Musobaqa yakunida plogging ishtirokchilari oʻrtasida hamkorlarning sovgʻalari bilan qurʼa tashlash marosimi oʻtkaziladi.
Tadbir Oʻzbekiston madaniyat va sanʼatni rivojlantirish jamgʻarmasi tomonidan oʻtkazilayotgan “Samarqand marafoni” xayriya yugurish musobaqalarining bir qismidir. Ishtirok etish narxi: 200 000 soʻmdan 250 000 soʻmgacha (tanlangan masofaga qarab). Yugurish musobaqasiga ushbu havola orqali roʻyxatdan oʻtish mumkin.
