Butunjahon tozalik kuni doirasida Oʻzbekistonda 36 tonnadan ortiq chiqindi yigʻildi
Oʻzbekistonda “Hayot uchun joy ajrating” ekologik aksiyasi oʻtkazildi. Butun mamlakat boʻylab aksiyada mingdan ortiq kishi ishtirok etdi. 36,5 tonna chiqindi yigʻildi.
20-sentyabr kuni Oʻzbekistonning barcha hududlarida “Hayot uchun joy oching” ekologik aksiyasi boʻlib oʻtdi.
Tadbir Butunjahon tozalik kuniga bagʻishlandi, deb xabar qildi Ekologiya, atrof-muhitni muhofaza qilish va iqlim oʻzgarishi vazirligi.
“Asosiy maqsadimiz keng jamoatchilikning chiqindilarga boʻlgan munosabatini oʻzgartirish va bu orqali chiqindilar hosil boʻlishini kamaytirishdir”, — deydi vazirlik rahbari Aziz Abduhakimov.
Butun mamlakat boʻylab aksiyada mingdan ortiq kishi ishtirok etdi. 36,5 tonna chiqindi yigʻildi. Butunjahon tozalik kuni birinchi marta 2008-yilda oʻtkazilgan. Oʻzbekistonda bu sana 2019-yildan beri nishonlanadi.
