10.10.2024
Discord messenjeri Rossiyadan keyin Turkiyada ham bloklandi
Muallif
Shohzamon Shuhratov
Turkiya rasmiylari bolalar jinsiy zoʻravonligi bilan bogʻliq jinoyatlar gumonlari tufayli Discord taqiqlanganini izohladi. Rossiyada bu messenjer Ukrainadagi rus qoʻshinlari tomonidan keng qoʻllangan.
Turkiya sudi Bosh prokuratura talabiga binoan Discord messenjerini bloklashga qaror qildi, dedi 9-oktyabr, chorshanba kuni mamlakat adliya vaziri Yilmaz Tunch.
Uning bayonotida aytilishicha, messenjer bolalarga nisbatan jinsiy zoʻravonlik va odobsizlik bilan bogʻliq jinoyatlar gumonlari tufayli bloklangan.
“Biz kelajagimiz kaliti boʻlgan yoshlarimiz va bolalarimizni ijtimoiy tarmoqlar va internetdagi zararli, jinoiy nashrlardan himoya qilishga qatʼiy qaror qildik”, — deya Tunch soʻzlarini keltiradi Anadolu agentligi.
