Dunyodagi eng katta tarvuzning ogʻirligi qancha?
Kris yetishtirgan tarvuzning og‘irligi 158 kilogramm-u 984,11 grammga yetdi.
Bu tarvuzni dunyodagi eng katta tarvuz deb atash uchun shuning oʻzi yetarli boʻldi. Baxtli bogʻbon oʻzini qoʻyarga joy topolmay qoldi - gap shundaki, bu Kris Kentning ikkinchi rekordi edi.
U gʻalabadan soʻng darhol tinchlana olmasligini va kechasi osoyishta uxlay olmasligini taʼkidladi. Endilikda AQSHning Tennessi shtatidan boʻlgan Kris Kent haqiqiy mashhur shaxsga aylandi, uni nafaqat AQSH, balki butun dunyo bogʻbonlari tanib olishdi.
Aytgancha, ulkan tarvuzning taʼmi unchalik mazali boʻlmasligi mumkin — uning eti ancha dagʻalroq va biz odatlanib qolgan supermarket yoki sabzavot doʻkonidagi tarvuzlar kabi shirin emas, lekin baribir uni isteʼmol qilsa boʻladi.
Kris Kent Tennessida yashaydi va hisobchi boʻlib ishlaydi, u koʻp yillardan beri sabzavot va poliz ekinlarini yetishtirish bilan faol shugʻullanadi. Krisning rekordlari ilgari ham boʻlgan, ammo 2013-yilda u haqiqatan ham ajoyib natijaga erishdi - Kris yetishtirgan tarvuzning ogʻirligi 158 kilogramm va 984,11 grammni tashkil etdi.
Bu ulkan tarvuz avvalgi rekordchidan deyarli 20 kg ogʻirroq va endi tarvuz yetishtirishni sevuvchilar ancha harakat qilishlari kerak boʻladi - Kris Kent rekordini yangilash juda mushkul boʻladi. Ulkan tarvuzni tarozida tortishganda, Kris jahon rekordini oʻrnatganini angladi.
