Foto: Sidni Suini yangi rol uchun bokschiga aylandi
“Eyforiya” seriali yulduzi Sidni Suini ijtimoiy tarmoqlarda oʻzining yangi loyihasi — bokschi Kristi Martin haqidagi sport biografik filmining birinchi kadrlarini eʼlon qildi.
Suratda Suini oʻzining mushaklarini va mallet uslubidagi soch turmagini namoyish etgan.
“Soʻnggi bir necha oy davomida men ringda ham, undan tashqarida ham kurashgan ajoyib ayol — haqiqiy chempionning tarixini hikoya qilish uchun mashgʻulotlarga berilib ketdim.
Uning hayot yoʻli matonat, kuch va umidning isbotidir. Uning oʻrnida turib, sizlar bilan uning taʼsirchan tarixini boʻlishish men uchun katta sharafdir. Keyinchalik koʻproq maʼlumot beramiz,” — deb yozdi aktrisa.
Filmni Devid Misho (“Qirol”) suratga oladi. Syujet “Boks shon-shuhrat zali”ga kiritilgan birinchi ayol boʻlgan Kristining hayoti va faoliyati haqida hikoya qiladi. Martin, shuningdek, “Rokkining ayol versiyasi” deb ham atalgan.
Filmda Ben Foster, Merritt Uiver va Keti OʻBrayen ikkinchi darajali rollarni ijro etishadi. Filmning aniq chiqish sanasi hali maʼlum emas.
