Fransiya aviakompaniyasi Navoiyga parvozlarni yoʻlga qoʻydi
“CMA CGM Air Cargo” shtab-kvartirasi Parijda joylashgan yirik fransuz yuk aviakompaniyasi, 2021-yilda “CMA CGM” transport guruhining aviatsiya shoʻbasi sifatida yaratilgan.
Fransiyaning “CMA CGM Air Cargo” transport-logistika aviakompaniyasi joriy yilning 5-avgust kuni Chjenchjou—Navoiy—Parij yoʻnalishi boʻyicha ilk parvozini amalga oshirdi. Samolyot mahalliy vaqt bilan soat 06:27 da Navoiyga qoʻndi.
Anʼanaga koʻra, yuk tashuvchi samolyot suv arkasi bilan tantanali ravishda kutib olingan. Chjenchjoudan Parijga muntazam reyslar Navoiyda texnik toʻxtash bilan haftasiga 5-marta Airbus A330 yuk tashuvchi samolyotlarida amalga oshirilishi rejalashtirilgan.
“CMA CGM Air Cargo” shtab-kvartirasi Parijda joylashgan yirik fransuz yuk aviakompaniyasi, 2021-yilda “CMA CGM” transport guruhining aviatsiya shoʻbasi sifatida yaratilgan.
