07.08.2024
Futzal boʻyicha Jahon chempionati rasmiy timsoli eʼlon qilindi
Muallif
Mahkamov Humoyun
Turon yoʻlbarsini Jahon chempionati timsoli deya eʼlon qilinishi butun dunyoni hayvonot dunyosini muhofaza qilishga undashi alohida qayd etilgan.
Oʻzbekiston mezbonlik qiladigan Futzal boʻyicha Jahon chempionati rasmiy timsoli Xon ismli Turon yoʻlbarsi boʻladi. Bu haqda Oʻzbekiston futbol assotsatsiyasi matbuot xizmati xabar berdi.
Turon yoʻlbarsi kuch-qudrat va jasorat timsoli hisoblanadi. “Oʻziga xos mahorat bilan chaqqon harakat qilishi va uning yuqori tezligi mazkur timsolni futzal sport turi bilan bogʻlaydi”, — deyiladi xabarda.
Oʻrta Osiyoning yoʻqotilgan boyligi deya taʼriflanadigan Turon yoʻlbarsini Jahon chempionati timsoli deya eʼlon qilinishi butun dunyoni hayvonot dunyosini muhofaza qilishga undashi alohida qayd etilgan.
O‘xshash mavzular
