Hamdam Sobirov kim? O’zbekistonning eng mashhur qo‘shiqchisi haqida qiziqarli ma’lumotlar

Hamdam Sobirov biografiyasi

●       Tug‘ilgan yili: 1989-yil 6 yanvar

●       Tug‘ilgan joyi: Navoiy viloyati

●       Yoshi: 35 yosh

●       Zodiak belgisi: Tog‘ echkisi

●       Yashash manzili: Toshkent

Boy bo‘lmagan oila va daromad topish istagi 

Intervyulardan birida, Sobirov dastlab oilaviy sharoit tufayli qo‘shiqchilikdan voz kechishga majbur bo‘lganini tan oladi. Gap shundaki, Sobirovning oilasi boy bo‘lmagan va baʼzan zo‘rg‘a kun kechirgan. Yigitning musiqaga bo‘lgan muhabbati ulkan muvaffaqiyat va katta daromad topishga kamlik qilgan. 

U Navoiy madaniyat va san’at kollejini bitirmasdan oldin, pul topish maqsadida Rossiyaga ketgan. Hamdam o‘zga yurtda kun kechirish uchun arzimagan oylikka qurilish maydonida ishlagan. Ammo bunday qiyinchiliklar bo‘lajak yulduzni chiniqtirgan: bir yil o‘tgach, u Vataniga qaytib, o‘qishni tugatgan va Toshkent davlat san’at va madaniyat institutiga o‘qishga kirgan.. Aynan shu yerda uning ijodiy faoliyati boshlangan. 

Hamdam Sobirov va “MANGO” guruhi 

Talabalik davri Sobirovning musiqiy debyutiga to‘g‘ri keldi. U do‘stlari bilan birgalikda “MANGO” guruhiga asos soldi. Guruh a’zolari turli janrlarda faoliyat yuritdi,  shou-biznesning barcha vakillari va musiqa ishtiyoqmandlarini hayratda qoldiradigan noodatiy va shov-shuvli musiqalar kuyaldi. Masalan, “Pista” musiqasiga olingan klip YouTube’da 2 milliondan ortiq tomosha qilingan.  

“MANGO” guruhining boshqa faoliyati ham bor edi, ularning fan-klubi soat sayin o‘sa boshladi. So‘ng yigitlar ajralishga, Hamdam Sobirov esa ijodini yakka tarzda olib borishga qaror qildi.  

Yakkaxon ijodning boshlanishi 

Sobirov haqiqiy shon-sharafga guruh tarqalgandan so‘ng erishdi. Buning sababi esa qo‘shiqchi nafaqat musiqasida, balki o‘zining tashqi ko‘rinishidagi uslubini ham butunlay o‘zgartirishga qaror qildi. Bunday o‘zgarishlar Sobirovning kliplarida ham namoyon bo‘ldi: u taniqli rejissyorlar bilan ishlashni boshladi, shuningdek, mustaqil ravishda videolar uchun ssenariylar yoza boshladi. Hozirda uning qo‘shiqlari dilga yaqin, jonli va yoshlarbop bo‘lib, “virusli” matnlar, zamonaviy ritmlar va sifatli aranjirovkani o‘zida mujassamlashtirgan.

Hamdam Sobirovning eng yaxshi kliplari 

Maktabimda 

Janze

Tentakcham

Qishloqqa qayt

Esla meni

Holimga qara

Yuragimni yaraladi (Gulinur bilan)

Qizil ko‘ylak(Rayhon bilan)

20-mart

Yengildim

Hamdam Sobirovning shaxsiy hayoti

Sobirov kamdan-kam hollarda shaxsiy hayoti haqida gapiradi va hech kimni shaxsiy hayotiga kiritmaslikka harakat qiladi. Musiqachi turmush qurgan va qizi farzandi bilan baxtli hayot kechirmoqda. Aytishlaricha, Sobirovning rafiqasi uni har sohada qo‘llab-quvvatlaydi, qizi esa suyukli otasining izidan yurib, ijodga katta qiziqish bildirmoqda.

Hamdam Sobirov Instagram’ini faol yuritadi va ko‘pincha gastrollari, yangi loyihalari va ijodi haqida gapiradi. Shu sababli, uning sahifasida shaxsiy hayoti haqida nimadir topish qiyin. Qizalog‘i ishtirokidagi kamdan kam videolarni uchratish mumkin. Shunga qaramay, Sobirovning Instagram’da 1,5 million obunachisi bor.