Jeyms Kemeron Xirosima haqida film suratga oladi
Hozirda 2025-yilda uchinchi “Olov va kul” filmining chiqarilishiga tayyorgarlik koʻrilmoqda. Shuningdek, blokbasterning toʻrtinchi va beshinchi qismlari ham rejalashtirilgan.
Rejissyor Jeyms Kemeron Xirosima va Nagasaki shaharlarini atom bombasi bilan bombardimon qilish haqida “murosasiz kinofilm” suratga olishga vaʼda berdi. Bu haqda Deadline xabar berdi.
Loyiha “Xirosimadan soʻnggi poyezd” (The Last Train from Hiroshima) deb nomlanadi. “Avatar”dan keyin Kemeron uni egallaydi. Hozirda 2025-yilda uchinchi “Olov va kul” filmining chiqarilishiga tayyorgarlik koʻrilmoqda. Shuningdek, blokbasterning toʻrtinchi va beshinchi qismlari ham rejalashtirilgan.
Xirosima va Nagasaki bombardimon qilinishi haqidagi film Charlz Pellegrinning ikkita kitobi — “Xirosimadan soʻnggi poyezd: omon qolganlar orqaga qaraydi” (2015) va “Xirosima arvohlari” (2025) asosida suratga olinadi. Har ikki bombardimon natijasida omon qolgan yagona Sutumu Yamaguti syujet markazida turadi.
“Bu men anchadan beri film suratga olishni xohlagan mavzu va buni qanday amalga oshirish haqida koʻp yillar bosh qotirdim. Men Xirosima va Nagasakida vafot etishidan bir necha kun oldin omon qolgan Sutumu Yamaguti bilan uchrashdim. U kasalxonada edi. U bizga oʻz shaxsiy tarixi estafetasini topshirdi, shuning uchun men buni qilishim kerak. Men bundan voz kecha olmayman”, — dedi Kemeron Deadline nashriga bergan intervyusida.
