“Joker: Ikki kishilik telbalik” filmi yangi tizeri taqdim etildi
“Ikki kishilik telbalik” 2-oktyabr kuni xalqaro kinoprokatga chiqadi. Asl “Joker” filmi 2019-yilda ekranlarga chiqib, 1 milliard dollardan ortiq daromad keltirgan.
Internetda “Joker: Ikki kishilik telbalik” filmining navbatdagi tizeri eʼlon qilindi. Film ertaga, 4-sentyabr kuni Venetsiya kinofestivalida namoyish etiladi.
Syujet Artur Flek/Joker (Xoakin Feniks) va Xarli Kvinn (Ledi Gaga) oʻrtasidagi tanishuv voqealari haqida hikoya qiladi. Birinchi qism muallifi Todd Fillips filmga rejissyorlik qilgan.
Filmda shuningdek, Brendan Glison, Ketrin Kiner, Zazi Bits va Stiv Kogan ham rol ijro etgan. “Ikki kishilik telbalik” 2-oktyabr kuni xalqaro kinoprokatga chiqadi. Asl “Joker” filmi 2019-yilda ekranlarga chiqib, 1 milliard dollardan ortiq daromad keltirgan edi.
