08.10.2024
Keksalarga mahalliy yoʻnalishdagi poyezdlar uchun chegirma eʼlon qilindi
Muallif
Mahkamov Humoyun
Undan joriy yilning 1-noyabridan 30-noyabrigacha amalga oshiriladigan qatnovlar uchun foydalanish mumkin.
“Oʻztemiryoʻlyoʻlovchi” “Keksalar uchun turizm oyligi” munosabati bilan 20 foiz chegirma eʼlon qildi.
Chegirmalar joriy yilning 1-noyabridan 30-noyabrigacha barcha mahalliy yoʻnalishlar uchun (“Afrosiyob”dan tashqari) amal qiladi.
Chegirmalar 55 yoshdan oshgan ayollar va 60 yoshdan oshgan erkaklar uchun mazkur sanalarda harakatlanadigan mahalliy yoʻnalishlarga amal qiladi.
Chiptalarni Oʻzbekiston temir yoʻl kassalaridan pasport yoki ID-karta taqdim etgan holda xarid qilish mumkin.
