Kira Naytli ishtirok etgan “Qora kaptarlar” filmining ilk tizeri eʼlon qilindi
Netflix “Qora kaptarlar” mini-serialining dastlabki tizer-eʼlonini taqdim etdi. “Karib dengizi qaroqchilari” filmi yulduzi Kira Naytli bosh rolni ijro etgan loyiha 5-dekabr kuni strimingda efirga uzatiladi.
Syujet mashhur siyosatchining xotini, mehribon ona va ayni paytda josus boʻlgan Xelen Uebb haqida hikoya qiladi.
Qahramon koʻp yillardan buyon erining barcha sirlarini yetkazib beradigan “Qora kaptarlar” maxfiy tashkilotida faoliyat yuritadi.
Xelenga haqiqiy xavf tahdid sola boshlaganda, “Kaptarlar” unga yordam berish uchun eski doʻsti va hamkasbi Semni chaqiradi.
“Kaptarlar”da shuningdek, Ben Uishou, Sara Lankashir, Endryu Baken, Ketrin Xanter, Finn Bennett va boshqalar ham rol ijro etishgan. “Kaptarlar”ning muallifi Jo Barton (“Qarz/uyat”) hisoblanadi.
