Misrning 3200 yillik kazarmalaridan afsonaviy firʼavn Buyuk Ramsesning qilichi topildi
Misrda arxeologlar koʻplab artefaktlarni oʻz ichiga olgan harbiy kazarmalarning 3200 yillik xarobalarini topdi. Ular orasida firʼavn Ramses II nomi yozilgan qilich ham bor edi.
Qilich bronzadan yasalgan va kichik qurolxonadan topilgan, bu uning jangovar vazifasini koʻrsatishi mumkin. Biroq uni hukmdorning oʻzi qoldirgan yoki yoʻqligi haqidagi shubhalarni hisobga olgan holda, u sovgʻa nusxasi boʻlishi mumkin.
Ehtimol qilich Misr armiyasining yuqori martabali ofitseri uchun moʻljallangan boʻlsa kerak. Qadimgi misrliklar Nilning shimoli-gʻarbiy deltasidagi harbiy yoʻl boʻyida kazarmalar qurganlar, bu esa qoʻshinlarga gʻarbiy choʻldan yoki Oʻrta Yer dengizi orqali kelayotgan dushmanlarga qarshi turish imkonini bergan.
Arxeologlar, shuningdek, don saqlanadigan omborxonalar, pishiriladigan pechlar, hayvon suyaklari solingan sopol idishlar qoldiqlari va koʻplab sigirlar qabrlarini ham topdilar. Qadimgi Misrda bu hayvonlar samoviy xudolar sifatida eʼzozlangan va kuch, toʻkinlik va farovonlikning ramzi boʻlgan. Biroq bu holatda ular ovqat uchun ishlatilgan.
