Notcoin Telegramʼda yangi oʻyinni ishga tushirdi. Not Pixel oʻyinida nima qilish kerak?
Not Pixel bosh ekranida kattalashtirish yoki kichraytirish mumkin boʻlgan ulkan polotno mavjud. Oʻyinning maqsadi — virtual matodagi piksellarni boʻyash. Har bir boʻyalgan piksel uchun ichki PX ballari yigʻiladi.
Telegramʼdagi bosma oʻyinlar fenomenini boshlagan oʻsha Notcoinni eslaysizmi? Aytishlaricha, bu jamoa DOGS loyihasiga ham qoʻl urgan. Biroq bu xabar ularning yangi oʻyini — Not Pixel haqida. Unda bosish oʻrniga piksellar boʻyaladi va ballar toʻplanadi.
Oʻyin mohiyati nimada?
Not Pixel bosh ekranida kattalashtirish yoki kichraytirish mumkin boʻlgan ulkan polotno mavjud. Oʻyinning maqsadi — virtual matodagi piksellarni boʻyash. Har bir boʻyalgan piksel uchun ichki PX ballari yigʻiladi.
Piksellarni tasodifiy tartibda boʻyash, boshqalarnikini qayta boʻyash yoki guruhlarga birlashib, rasmlar yaratish orqali polotnoni muvofiqlashtirilgan holda boʻyash mumkin.
Qanday bonuslar bor?
Not Pixelʼda bonus tizimi mavjud. Eng oddiy bonus — taklif. Har bir taklif qilingan doʻst uchun oʻyin 64 piksel beradi.
Albatta, kanallar va ijtimoiy tarmoqlarga obuna boʻlish uchun odatiy bonuslar ham bor.
Yuqoridagilardan tashqari:
- Liga tizimi — koʻproq boʻyalgan piksellar, yuqoriroq liga va mos ravishda qoʻshimcha mukofot
- Yutuqlar — maʼlum miqdordagi piksellarni boʻyash va doʻstlarni taklif qilish uchun mukofotlar
Kuchaytirgichlar nima va nima uchun kerak?
Notcoinʼning asl oʻyinidagi kabi, Not Pixelʼda ham kuchaytirgichlar mavjud. Jami uchta:
- Paint Reward — bitta pikselni boʻyash uchun olinadigan mukofotni oshiradi;
- Recharging Speed — piksellarni boʻyash uchun energiya tiklanish tezligini oshiradi;
- Energy Limit — bir seansda olinadigan energiya miqdorini oshiradi.
Shuningdek, oʻyinda yulduzlar uchun kuchaytirgichlar mavjud, lekin ular haqida alohida toʻxtalishning hojati yoʻq. Bor-yoʻgʻi uchtasi bor, kerak boʻlsa, oʻzingiz tushunib olasiz.
Natijada nima boʻladi?
Xulosa oʻrnida Telegramʼdagi bu oʻyin-loyihalarga nisbatan asosiy yondashuvlarimni bayon etish kerak. Eng muhimi, haqiqiy pul kiritmaslik kerak. Bularning barchasidan nimadir chiqishiga hech qanday kafolat yoʻq.
Bu oʻyinlar shunchaki birgalikdagi vaqtichogʻlik, xolos. Umuman olganda, Notcoin yaratuvchilari allaqachon muvaffaqiyatli ishga tushirishlar bilan eʼtirof etilgan, ehtimol Not Pixel bilan ham qiziqarli narsa chiqishi mumkin.
