OpenAI sunʼiy intellekt asosida ishlaydigan qidiruv tizimini taqdim etdi
Bu Arc Search mobil brauzerining ishlashiga juda oʻxshaydi. Ammo farq shundaki, SearchGPT natijalarni olgandan soʻng aniqlovchi savollarni berishi mumkin. Kerakli mavzu boʻyicha qoʻshimcha havolalar bilan yon panel ham mavjud.
OpenAI real vaqt rejimida internetga kirish imkoniga ega sunʼiy intellektga asoslangan SearchGPT qidiruv tizimini taqdim etdi.
U katta matn maydoni va savol bilan boshlanadi: “Siz nimani qidiryapsiz?” Google kabi tegishli havolalarni roʻyxatga olish oʻrniga, tizim natijalarni tartibga solishga va tushunishga harakat qiladi.
Bir misolda u musiqa festivallari haqidagi xulosalarni jamladi va keyin manbalarga havolalar bilan voqealarning qisqacha tavsifini berdi. Boshqa holatda, tizim pomidorni qachon ekish kerakligini tushuntirib berdi.
Bu Arc Search mobil brauzerining ishlashiga juda oʻxshaydi. Ammo farq shundaki, SearchGPT natijalarni olgandan soʻng aniqlovchi savollarni berishi mumkin. Kerakli mavzu boʻyicha qoʻshimcha havolalar bilan yon panel ham mavjud.
Tizim turli nashrlar, jumladan, The Wall Street Journal, The Associated Press va Vox Media bilan hamkorlikda ishlab chiqilgan. Ularning mazmuni qidiruv tizimini oʻrgatish uchun ishlatilgan.
SearchGPT hali ham prototip. Xizmat GPT-4 modellar oilasiga asoslangan va hozirda faqat tanlangan testerlar uchun mavjud. Ishga tushish avvalida u bepul boʻladi. Keyin u reklama yoki pul ishlashning boshqa shakllarini oʻz ichiga olishi mumkin.
