24.08.2024
OTMda yangi o‘quv yili 9-sentyabrdan boshlanadi
Akademik litseylar, kasb-hunar maktablarida esa 4-sentyabrdan boshlanishi belgilangan.
Muallif
Mahkamov Humoyun
Yangi o‘quv yilining boshlanish sanalari ma’lum bo‘ldi. Bu haqda Oliy ta’lim, fan va innovatsiyalar vazirligi matbuot xizmati xabar berdi.
Vazirlikning tegishli buyrug‘iga ko‘ra 2024/2025-o‘quv yili oliy ta’lim muassasalarida 9-sentyabrdan boshlanadi.
Akademik litseylarda, kasb-hunar maktablarida esa ta’lim jarayonlari 4-sentyabrdan boshlanishi belgilandi.
Shuningdek, kollej va texnikumlarning 2- va undan yuqori kurslari uchun 4-sentyabr kunidan boshlanadi.
Kollej va texnikumlarning 1-kurslari uchun 2024/2025-o‘quv yilining boshlanishi bo‘yicha qo‘shimcha ma’lumot beriladi.
