1-октябр: Мусиқачилар, бувижонлар байрами ва Ўзбекистонда ўқитувчилар куни
1-октябрда Хитой Халқ Республикаси эълон қилинган, конвеердан биринчи “Запорожец” чиққан (авто “букри” (горбатый) лақабини олган), Флоридада эса дунёдаги энг катта Диснейленд очилган. Худди шу куни футболчи Пеле фаолиятини якунлаган, швециялик почта эса ABBA гуруҳи расми туширилган марка чиқарган. Бу – шу санада содир бўлган воқеалар ҳақида эди. Энди эса, 1-октябрда билишингиз керак бўлган байрамлар ҳақида гаплашамиз.
Ўқитувчилар куни
1-октябр – Ўзбекистонда Ўқитувчилар куни нишонланади. Севимли ўқитувчингиз, университетдаги домлангиз ва таълим тизимига алоқадор барча инсонларни ушбу байрам билан табриклашни унутманг. Шуни ҳам унутмаслик керак: бу – ер юзидаги энг муҳим касблардан бири, шунинг учун қалбингизга яқин устоз ва мураббийларни совғалар бирга табриклашни тавсия қиламиз.
Кексалар куни
1-октябрда барча ишларни четга суриб, бувилар ва боболар даврасида вақт ўтказамиз. Агар бундай имкониятингиз бўлмаса, уларга телефон қилиб/ мактуб ёзиб Ўзбекистон почтаси орқали юборамиз ёки уларни яхши сўз билан ёдга олиб, хотирлаймиз.
Мусиқа куни
Агар сиз мусиқачи бўлсангиз (ёки ҳеч бўлмаганда қалбан ўзингизни шундай ҳис қилсангиз), 1-октябрда нишонланадиган бу байрам сизни албатта хурсанд қилади. Бугун шундай кун-ки, ҳеч ким сизни гитара, барабан ёки клавиатура чалганингиз учун танқид қилмайди, ҳатто эрталаб душда куйлашингиз мумкин.
Қаҳва куни
Ер юзидаги энг машҳур ичимликнинг йил давомида кўплаб туғилган кунлари бор бўлса-да, бугун – энг асосий кун. Эрталабни (ва иш кунининг охирини) бир мазали американо ёки капучино билан бошлаймиз. Ёки анъанавий усулда: қаҳвани туркада дамлаймиз, қаҳва қар қандай усулда тайёрланса ҳам – мазали!
Балет куни
1-октябрда саҳна ва хореография санъатининг энг мафтункор турларидан бирининг байрами. Эҳтимол, бу бир белги – Навоий театрида балетга чипта сотиб олиш ва ажойиб саҳна кўриниши, декорациялар гўзаллиги ҳамда балет труппаси маҳоратидан баҳраманд бўлишнинг айни вақти келганидан далолатдир.
Вегетарианлик куни
Иссиқ қонли ҳайвонлар гўштини истеъмол қилишни чеклаб, ўсимлик асосидаги озиқланишни тарғиб қилувчи овқатланиш тизими байрами. Айтганча, вегетарианларнинг озиқланиш чекловлари веганларники каби унчалик қатъий эмас: улар баъзида тухум ва сут маҳсулотларини истеъмол қиладилар.
