29-сентябр: юрак, мигрантлар ва кузги ёлғизлик куни

Муаллиф

29-сентябрда Германияда “Гамбург” футбол клуби ташкил топган, Санкт-Петербургда трамвайлар ишга туширилган, Америка компанияси Стандард Оил асосчиси Жон Рокфеллер эса дунёдаги биринчи миллиардер тадбиркорга айланган. Шу куни БМТ тинчликпарвар кучлари “Нобел” мукофотини олган, совет астрономи Людмила Карачкина эса иккита астероид кашф этган. Булар шу санада содир бўлган воқеалар, 29-сентябрда бутун дунё бўйлаб миллионлаб одамларни эътиборини жалб қиладиган қандай байрамлар борлигини биласизми?

Yangi yilga eng yaxshi sovg‘ani topdik. BU NIMA?

Юрак куни

Энг муҳим байрамлардан бири, ахир юрак – инсон организмининг “двигатели”. 29-сентябрда саломатлигингизга эътибор қаратиш муҳим: кардиолог қабулига ёзилиш, юрак-қон томир касалликларининг олдини олиш ҳақида ўйлаш ва ҳеч бўлмаганда бир кун зарарли одатлардан воз кечиш, чунки улар юрак саломатлигига таъсир қилади.

Кузги ёлғизлик куни

Бу байрам барча меланхоликлар ва қайғуда ҳам романтикани кўра оладиганларга ёқиши аниқ. Бугун ўзингиз билан ёлғиз қолишингиз ва ёқимли машғулотлар: масалан, китоб ўқиш ёки ушбу комедияларни томоша қилиш билан шуғулланишингиз мумкин.

via GIPHY

Карлар куни

Бу кун эшитиш қобилиятини йўқотган ёки туғма ногирон бўлган, бироқ шунга қарамай тўлақонли ҳаёт кечираётган ва ўз тилида гаплаша оладиган одамларга бағишланган. Бу кун оториноларинголог ёки оддийроқ қилиб айтганда – ЛОР куни билан бирга тўғри келади. Ҳам ўзингизники, ҳам яқинларингизни фақат қулоқлар эмас, балки томоқ ва бурнингизни ҳам асранг. Лор шифокорингизни табриклашни унутманг.

Мигрантлар ва қочқинлар куни

Бу кун ҳаётини ўзгартирган, уйидан кетган ва ўзини бошқа мамлакатда топишга ҳаракат қилаётган, аммо шу билан бирга уй билан боғлиқликни сақлаб қолишга интилган одамларга бағишланган. Улар орасида нафақат оддий ишчилар, балки артистлар, рассомлар ва бошқа мутахассислар ва иқтидорли инсонлар ҳам бор. Уларнинг ҳар бири халқларни бирлаштириш, мамлакатлар ўртасида алоқа ўрнатишга ҳисса қўшади.

Бискотти куни

Италияликларнинг севимли машҳур печеньеси. У нафақат десерт сифатида, балки нонушта учун ҳам истеъмол қилинади (ҳа, италянлар ширинликларни эрталаб ейишни яхши кўришади). Агар сиз ҳали Италияга бормаган бўлсангиз, бискоттини уйда тайёрлаб кўринг – бизда унинг тез тайёрланадиган рецепти бор.

Бискотти рецепти

200 гр шакар, 3 та тухумни аралаштирамиз ҳамда севимли ёнғоқлар ва қуруқ меваларни (300 гр) қўшамиз. Италянлар одатда қуруқ ўрик, майиз, ёнғоқлар қўшади.
300 гр ун, 1,5 чой қошиқ қабартмани қўшамиз. Хамир юмшоқ, лекин нам бўлмаслиги керак. Уни 3 қисмга ажратамиз ва ҳар бирини унлаймиз.
Ҳар бир қисмни ясси колбаса шаклида ясаб оламиз, ун ва шакар кукунига булаб, печга 25-30 дақиқага қўямиз (180 даража). Сўнгра узун бўлакларга кесиб, яна 5 дақиқага печга қўямиз.