Hamster Kombat яратувчилари оралиқ мавсумни эълон қилди
Interlude мавсуми бир неча ҳафта давом этиб, унда ўйин иштирокчилари янги қимматбаҳо активлар — кристалларни йиғиши мумкин.
Аввалроқ Hamster Kombat мини-иловаси 20 сентябрь куни янги тангалар ишлаб чиқариш тўхтатилишини маълум қилганди.
Ундан кейин ўйиннинг Telegramʼдаги каналида жараён муваффақиятли амалга оширилгани ҳақида хабар берилди.
Фойдаланувчилар маблағларни ечиб олиш учун бириктирилган манзил мавжудлигини текширишлари ва унинг тасдиқланганига ишонч ҳосил қилишлари керак эди.
Шундан сўнг 21 сентябрь куни Тошкент вақти билан соат 01:55 да ўйин яратувчилар бу билан ўйин тугамаганини, унда оралиқ мавсум бошланаётганини эълон қилди.
Interlude мавсуми иккинчи мавсум олдидан «қизиб олиш» учун чиқарилган бўлиб, у бир неча ҳафта давом этади.
«Interludeʼда иштирок этиш ва олмослар фарминги келгуси мавсумда сизга қўл келувчи афзалликларни тақдим этади. Кўпроқ олмос — кўпроқ фойда», — дейилади хабарда.
Оралиқ мавсумда янги карталар ва ўйинлар пайдо бўлди ва кристаллар янги валютага айланди. Ундаги барча скинлар эндиликда бепул.
