Hamster Kombat листинги: қачон бўлади ва нималарни билиш керак?

Гап нима ҳақида?

Қисқача Hamster Kombat  нималигини ва қайси виртуал хомяклар ҳақида шунчалик кўп гап-сўзлар қаердан келганини эслатиб ўтамиз. Бу Telegram'даги ўйин бўлиб, унда фойдаланувчи криптобиржанинг эгасига айланади. Директор-хомяк ролида оддий топшириқларни бажариш ва персонажни “босиш”, яъни шунчаки экранга тегиниш керак. Шу тариқа виртуал жамғармалар ўсиб боради. Ўйин жуда машҳур бўлди: баъзи маълумотларга кўра, унинг 300 миллиондан ортиқ рўйхатдан ўтган фойдаланувчилари бор.

Листинг HMSTR тангасини биржаларда сотувга чиқаришни англатади. Ўйинчиларга йиғган жамғармаларини сотиш имконияти пайдо бўлади — агар танга сотиб олишни хоҳловчилар топилса. Умуман олганда, бу Ҳамстер Комбат фойдаланувчилари учун ғоят муҳим воқеа ҳисобланади. Ишлаб чиқувчилар эса шу йўл билан ўз ваъдаларини бажарадилар: ўйин ривожланиши бошиданоқ листинг ҳақида гаплар юрарди ва мана, у ниҳоят амалга ошмоқда.

Танга қанча туради?

Пре-маркет очилиши пайтида битта токен нархи 238 долларгача кўтарилди. Бироқ, табиийки, яхши хабар узоққа чўзилмади ва  бу фақат қисқа муддатли энг юқори кўрсаткич эди, холос. HMSTR нархи 7-сентябргача тушиб кетди, ҳозирги кунларда эса Coincodex.com маълумотларига кўра, унинг қиймати тахминан 12 сентни ташкил этмоқда.

Шунингдек, тангалар жойлаштирилгандан сўнг уларнинг нархи пасайиши мумкинлигини ҳам ҳисобга олиш керак. Бу бошқа шунга ўхшаш лойиҳа - Notcoin билан аллақачон содир бўлган. Биринчи ҳафтада нарх 85 фоизга тушиб кетган. Сабаби жуда оддий: фойдаланувчилар тангани бошқа, барқарорроқ криптовалютага алмаштириш имкониятини кўриб, шундай қилишга шошилади. Натижада таклиф талабдан ошиб кетди ва нарх худди иқтисодиёт дарсликлари каби пасайиб кетди.

HMSTR билан ҳам худди шундай ҳолат юз бермаслигига ҳеч қандай кафолат йўқ. Агар нарх пасайса, кўчки эффекти содир бўлиши мумкин: фойдаланувчилар нархнинг тушишини кўриб, тангалардан тезроқ қутулишга ҳаракат қила бошлайдилар.

Листинг қаерда амалга оширилади?

Ҳозирги вақтда Ҳамстер Комбат листингини тасдиқлаган камида бешта йирик биржа маълум: Bybit, Binance, Bitget, OKX, BingX. HMSTR  тангаси бошқа майдонларда ҳам жойлаштирилиши эҳтимолдан холи эмас.

Hamster Kombat вакиллари илгари ўйиннинг 100 миллиард токенини чиқаришни режалаштирганликларини маълум қилишган эди.

Листингдан кейин нима қилиш керак?

Агар сизда жиддий миқдордаги тангалар тўпланган бўлса, яхшиси нархнинг ўзгаришини диққат билан кузатиб боринг. Эҳтимол, дарҳол барча тангаларни сотиш фойда келтирмаслиги мумкин, сабаби кутилмаганда нарх ошади. Ёки Notcoin листингига ўхшаш вазият кузатилади: тангалар фаол равишда сотила бошлайди ва бу токеннинг қадрсизланишига олиб келади. Ҳар қандай ҳолатда ҳам нархлар динамикасини кузатиб бориш ва HMSTR бўйича режаларингиз асосида муносабат билдириш муҳимдир.

Жамоа учун листинг қандай натижаларга олиб келади?

Тахмин қилиш мумкинки, бундай лойиҳалар муваффақиятли бўлса, тангалар чиқарувчи ўйинлар кўпаяди. Notcoin ва Hamster Kombat синов ўйинлари бўлиб, уларнинг катта даромади бошқа ишлаб чиқувчилар учун туртки бўлади.

Бироқ, тескари таъсир ҳам бўлиши мумкин. Агар танга тез қадрсизланса, ўйин атрофидаги бундай шов-шув кўплаб одамларнинг кўнглини чўктиради. Шубҳасиз, одамлар кеча-ю кундуз хомякни "босиб" ўтказган вақтлари ҳақида, охир-оқибат бир финжон қаҳвага зўрға етадиган пул топганлари тўғрисида ҳикоялар пайдо бўлади.

Ҳар ҳолда, Hamster Kombat аллақачон тушунчага айланди. Биржада тангаларни чиқариш - бу каби лойиҳалар ғоясининг барқарорлигини текшириш учун ўзига хос синовдир.

***

Нарх қандай бўлиши ва листингдан кейин нима содир бўлиши ҳақида аниқ маълумотни фақат 26-сентябрдан кейин айтиш мумкин бўлади. Тангалар жойлаштирилгандан кейинги дастлабки ҳафталар HMSTR тангаларининг истиқболи учун ҳал қилувчи аҳамиятга эга бўлиши керак. Биз вазиятни диққат билан кузатиб борамиз, шунинг учун бизни кузатишда давом этинг! Биз билан қолинг!