Oʻzbekiston Stadler kompaniyasidan poyezdlar sotib olishi mumkin
Oʻzbekiston Yevropaning Stadler kompaniyasidan ikkita harakatlanuvchi tarkib xarid qilishni rejalashtirmoqda. Bu haqda transport vaziri Ilhom Mahkamov maʼlum qildi.
2 milliard so‘mgacha kredit! Rasmiylashtirish – 1 kunda!
“Oʻzbekiston-2030” rivojlanish strategiyasida har yili harakat tarkiblarini yangilash belgilangan.
Ilhom Mahkamovning aytishicha, kupe, plaskart yoʻnalishida va oʻrindiqli harakat tarkiblarini xarid qilish uchun alohida dastur qilingan. Bunda Oʻzbekiston boʻylab 5 soatgacha boʻlgan yoʻnalishlarda elektropoyezdlarni xarid qilish koʻzda tutilgan.
Joriy yilda Xivaga qadar temiryoʻl tizimini elektrlashtirish yakuniga yetkaziladi. U yoʻnalishda xarid qilinadigan Janubiy Koreyaning Hyundai Rotem harakat tarkiblari yoʻlga qoʻyiladi. Bu hamma talablarga javob beradigan harakat tarkiblari.
Bundan tashqari, Yevropaning Stadler kompaniyasidan ikkita harakat tarkibi xarid qilinmoqda. Bu Oʻzbekiston yoʻllarida koʻrib, ishlatilganidan soʻng, uni kattaroq koʻlamda son jihatdan koʻproq xarid qilish qarori qabul qilinadi.
O‘xshash mavzular
