Oʻzbekistondagi qator aviakompaniyalar Janubiy Koreyaga parvoz qilish huquqini qoʻlga kiritadi
Transport vazirligi va Koreya aviatsiya maʼmuriyati ikki davlat oʻrtasida belgilangan aviakompaniyalar soniga cheklovlarni olib tashlash masalasini koʻrib chiqadi. Uzbekistan Airways va Qanot Sharq bilan bir qatorda Air Samarkand va yuk tashuvchi My Freighter ham Janubiy Koreyaga parvoz qila oladi.
Qanday qilib 25 million so‘mlik kredit olish mumkin
Oʻzbekistonning bir qancha xususiy aviakompaniyalari Janubiy Koreyaga parvoz qilish huquqini qoʻlga kiritadi. Bu haqda Transport vazirligi matbuot xizmati xabar berdi.
Transport vazirligi delegatsiyasi Oʻzbekistonning Seuldagi elchixonasi vakillari hamrohligida Koreya aviatsiya maʼmuriyati bilan muzokaralar olib bordi.
Soʻnggi bor mamlakatlar aviatsiya maʼmuriyati 2018-yilda maslahatlashuvlar oʻtkazgan. Oʻshandan buyon ikki mamlakat oʻrtasida aviakompaniyalar uchun 10 ta reys amalga oshirib kelingan. Shu bilan birga, har ikki tomondan faqat ikkita aviakompaniyaga parvozlarni amalga oshirish huquqi berilgan.
Muzokaralar davomida tayinlangan aviakompaniyalar soni boʻyicha cheklovni bekor qilish, ularga parvozlar uchun tegishli huquqlar berish, ikki davlat oʻrtasidagi aviaqatnovlar sonini oshirish hamda parvozlar geografiyasini kengaytirish masalalari muhokama qilindi. Oʻzbekiston va Janubiy Koreya aviatsiya maʼmuriyatlari oʻrtasida oʻzaro anglashuv memorandumi imzolandi.
O‘xshash mavzular
