Oʻzgidromet iyunni eng issiq iyun oylari beshligiga kiritdi
Yoz faslining birinchi oyi — iyun ham tugadi. XXI asrdagi koʻpgina iyun oylari kabi bu faslning birinchi oyi ham issiq boʻldi. Oʻrtacha oylik harorat meʼyordan 1-2,5 darajaga koʻp boʻldi.
O‘xshash mavzular
31.03.2025
Oʻzbekiston hududining katta qismida 2024-yil iyun oyi barcha kuzatuv yillari uchun eng issiq iyun oylari beshligiga kirdi.
Toshkentda oʻtgan iyun oyi 2021 va 2023-yillarning iyun oylaridan soʻng uchinchi oʻrinni egalladi, ular meʼyordan 2,8-3,2 darajaga issiqroq boʻldi.
Oy davomida harorat foni deyarli tekis boʻlishi qayd etildi. Oʻzbekiston hududining katta qismida iyun oyida maksimal harorat asosan 32-37 daraja, janubda va choʻl hududlarda 36-41 daraja atrofida boʻldi.
Eng issiq ob-havo 27-28-iyun kunlari kuzatildi. Ushbu kunlarda harorat 39-41 darajagacha, janubda va choʻl hududlarda 42-43 darajagacha koʻtarildi.
Bu iyun oyi uchun eng yuqori harorat qiymatlari emas. Iyun oyidagi maksimal havo harorati rekordlari 42-44o ni, janubda va choʻl hududlarda 45-47o ni tashkil etadi.
Toshkentda 154-yillik meteorologik kuzatuvlar uchun 1914-yil iyun oyining mutlaq maksimal harorati 43,0o boʻlib qoldi. Koʻpincha yoz faslida kuzatilgani kabi, 2024-yil iyun oyida yogʻingarchilik juda notekis boʻldi.
Oʻzbekiston hududining katta qismida oʻtgan iyun oyi ekstremal quruq oy deb tavsiflanishi mumkin. Oy davomida yogʻingarchilik miqdori 0,0-4 millimetrni, ayrim joylarda 6-11 mm gachani tashkil etdi.
Faqat Andijon, Fargʻona viloyatlarida va Qoraqalpogʻiston Respublikasining shimolida yomgʻir yogʻishi jadalroq boʻldi. Oy davomida yogʻingarchilik miqdori baʼzi joylarda 15-22 millimetrga yetdi.
Respublikaning togʻ oldi va togʻli hududlarida qisqa muddatli yomgʻirlar tez-tez kuzatildi va ayrim kunlarda yomgʻir kuchli — bir necha soat ichida 10-20 millimetrgacha boʻldi.
Bir oy davomida yogʻingarchilikning umumiy miqdori 25-35 millimetrga yetdi, Fargʻona viloyati togʻlarida va Toshkent, Qashqadaryo viloyatlarining baland togʻli hududlarida 60-100 millimetrgacha boʻlishi kuzatildi.
Jizzax, Qashqadaryo, Surxondaryo, Namangan, Fargʻona viloyatlarining ayrim togʻ oldi va togʻli hududlarida jala yomgʻirlar hisobiga sel-suv toshqin hodisalari yuzaga keldi.
Respublika boʻyicha baʼzi joylarda shamol tezligi 15-20 metr/sekundgacha esdi, Qoraqalpogʻiston Respublikasi, Navoiy, Qashqadaryo viloyatlarining ayrim jylarida shamolning kuchayishi 22-25 metr/sekundga yetdi. Respublika shimolida, janubida va choʻl hududlarida shamolning koʻchayishi changli boʻronlar bilan qayd etildi, koʻrinuvchanlik 1000 metrgacha yomonlashdi.
O‘xshash mavzular
